tryingtofindout

هو لسه فى حاجه غير الاساءه لافضل البشر

2008-03-28T09:37:00.000-07:00

بعد الى كلنا قراناه النهارده عن الفيلم الى معمول فى هولندا عن الرسول (صلى الله عليه وسلم)وانها بتظهر دين الاسلام دين ارهاب زى ما كل الدول الغربيه بتظهر سالت نفسى هما ليه بيعملوا كده والاجابه كانت كل ما كنت ضعيف كل ما حتكون ملطشه للى يسوى والى ميسواش خصوصا الى ميسواش حكام العرب والشعب العربى قاعدين يتفرجوا على الاساءه لاعز واغلى واطهر مخلوق على الارض دى كلها وكل الى بنقوله ربنا ينتقم منهم او بندعى عليهم واحنا بنصلى لالالالالالا يا سلام عملنا دور فعال حركنا حاجه شقلبنا الارض لالالا اعلنا الحرب عليهم !!!!!!!. حد فيكم سال نفسه ان الاساءه دى لو كانت لابوه ولا لامه ولا نفسه كان حيعمل ايه ما بالك باطهر واحد على وجه الكره الارضيه والى انتا وانتى المفروض تضحوا بروحكم علشانه بس ولا حياه لمن تنادى كله نايم فى العسل يا عم يعنى حنعمل مظهرات وكده يعنى ولا نروح نولع فيهم انا بقى بقول نقول لاء لحد هنا واقفوا ده خط احمر المفروض محدش يعديه والى حيعديه حيكون من الهالكين ايه فين ايام الصحابه فين جيوش المسلمين الى كان اقل جندى فيها يرعب قارات ويوقع جبال ويهز اراضى فين ايام لا الشهاده لا النصر فين الله ثم الرسول ثم الاستشهاد فى سبيل الاسلام فين كل ده ولا احنا بقينا مسلمين 2008الى مش فاضين لحاجه غير الحفلات والتنطيط والهيصه رحنا فين يا مليار ونص حد منكم صاحى حد منكم عارف ان فى رسول بيتشتم واحنا بنتفرج الله يرحم ايامك يا عمرو بن الخطاب ولا ابو بكر ولا ولا ............... الله يرحم المسلمين كانوا ناس عارفين ربنا وعارفين دينهم الله يرحمهم

شكل انفلونزا الطيور دى حجه علشان منكلش فراخ

2008-03-28T06:10:00.000-07:00

يوميا كلنا بنسمع فى الراديو والتلفزيون والشارع والحكومه وفى المحلات والمدراس حتى فى احلامنا متكلوش فراخ الفراخ فيها انفلونزا الطيور مات 1 او 2 فى الغربيه ومش عارفه كام فى الشرقيه وشويه فى الصعيد وشويه فى الدقهليه يعنى مفيش محافظه فيكى يا مصر الا ما مات فيها حد من ضحايا الى اسمها دى انفلونزا الطيور يا سلام قد كده الحكومه خيفه علينا يا حبايبى منتم سيبنا نموت فى الاتوبسات والمكروباصات وعادى يعنى . السواق من دول عايز يملى المكروباص ناس لو طايل يحطهم على الشبكه او فى الشنطه حيحطهم ولا يا سلام على الاتوبيس الى بتعد تستناه وميجيش انا بيتهيقلى ان فى ناس فضلت تستناه طول عمرها وبرده مجاش وفى ناس ماتت وهى بتستناه. وفى نهايه الحلقه القصيره دى اعزائى المواطنين كل الى علينا نقوله( عمار يا مصر) لسه فى تكمله ولكن فى الحلقات القادمه فاصل ثم نواصل

غريب انك تشوف الغلط وتسكت

2008-03-28T05:39:00.000-07:00

غريب انك تشوف ابوك بيتهان وبيتضرب وانتا واقف تتفرج غريب انك تشوف امك بتشتم من عيل كلب اسمه ظابط وانتا واقف تتفرج وغريب ان كرامتك بيتمسح بيها الارض وانتا مش قادر تتكلم لانك لو اتكلمت حتروح ورا الشمس طب ليه انتا اساسا ساكت انتا كده كده ميت سواء حتموت من الجوع او حتموت من التعذيب فاكرملك انك تموت وانتا رافع راسك وبتتكلم وبدافع عن حقك احسن ما تموت من الخوف والسكوت ليه بنسمح لناس غرنا يحركونا ويفكرولنا ويحلمولنا واحنا يدوب بناكل ونشرب ده اصلا لو فى اكل او شرب حياه اقل من حياه الكلاب وراضيين بيها طب ليه طب ليه مبنتكلمش ونقول لاء اه معلشى اصل لو اتكلمنا وقلنا لاء حنتاخد على امن الدوله وتبقى ليله وحنتعذب واهلنا تتشرد ههههههه والله حاجه تضحك منتا متعذب واهلك متشرده وعايش غريب فى بلدك بتتعامل وكانك حيوان وانتا انسان باسم الديقراطيه الى يسرق يسرق والى يقتل يقتل وميتحكمش لو عنده واسطه باسم الديمقراطيه بينتهك عرضك وتضيع حقوقك وتموت باسم الديقراطيه الصحافيين يتقبض عليهم والى يفتح بقه يموت باسم الديمقراطيه امريكا على رسنا والشعب المصرى فى الجزمه باسم الديمقراطيه انتم كلاب واحنا اسيادكم باسم الديمقراطيه كل شىء مباح باسم الديمقراطيه مفيش وظايف والاسعار ترتفع باسم الكدب المره دى موت يا حمار .حسنى بيقلك متحلمش بيقلك متفكرش احنا حبايب وصحاب لو انتا سمعت كلامى ومفتحتش بقك وابن الكلب الى ابويا اشترهولى لو فكرت تقول انا مظلوم .يا شباب مصر خطبه من بابا حسنى بيقولكم فيها مفيش وظايف والى مش عجبه يسافر حتتعلموا تعليم زباله والى مش عجبه يطلع من المدرسه او ياخد درس خصوصى حتبقوا اغبى شباب العالم والى مش عجبه يشفله كوكب تانى يعد فيه وفى نهايه الخطبه.(بعون الله حنجوع المصريين ونشردهم ونخليهم ارخص انواع البشر ونقطع عليهم اى امل فى حياه كريمه) والله المستعان

2008-03-28T04:47:00.000-07:00

كان اسبوع غريب بجد احداث عجيبه وقت بيمر بسرعه وزمن بيجرى دول بتحتل ودول بتقاوم انسان عادى عايش فى نمط الحياه السريع بيحاول يوصل ويعرف ايه الى حصل فى الثانيه الى فاتت عالم غريب عايش بسرعه البرق والانسان اغرب بيحاول يكون الفعل ورغم كده ديما هو رد الفعل لو دخلنا فى عقل كل انسان حنلقيه عقل بدائى جدا ولكن بيحاول يحقق حجات مستحيله بيقنع نفسه بالغلط انه صح والصح انه غلط سياسين وصحافيين مدرسين ومهندسين عمال وفلاحين فى جميع انحاء العالم كل واحد وكل واحده منهم عايزه تعرف معنى الحياه كتير مننا سال نفسه انا ليه عايش وايه الحياه دى كتير مننا بيحب يحس انه متراقب وان فى حد بيرقبه كتير مننا بيحلم بحجات كتير ولكن لما تجى الساعه الى ينفذ فيها بيضعف ويخاف ويتردد وكتير مننا بيرجع بس الاقوى والاشجع هو الى بيبقى هو الى بيحقق الى عايزه كام واحد مننا فكر انه يعمل حاجه عمره ما عملها وحد عجزه واحبطه كام واحد حب وانخدع كام واحد حب وخدع كام واحد حلم وحقق حلمه وكام واحد حلم ولكن الظروف والقدر منعه كتير لو جبنا النسب دى وعدناها حنلقيها كبيره قوى ديما الانسان عايز يكتشف حاجات غريبه وعجيبه بس الى ميعرفوش بنى البشر ان الانسان حاجه غريبه لانه انسان والحياه حاجه غريبه انها حياه والاحلام حاجه غريبه انها احلام لاول مره وانتا بتقرا الكلام حتقول مين المتخلفه الى كتبه ده بس لو كل واحد فكر شويه حيلاقى انه بيتنفس وبيعيش وبياكل وبيشرب تلقائيا زى ما يكون حد بيشغله ده مش غريب ؟ وحيلاقى ان الحياه يوم بتبقى حلوه ويوم وحشه يوه سعاده ويوم حزن زى ما يكون حد بيشغلها؟ ماظنش ان الحياه ماشيه بدمغها يعنى وان الاحلام بتتحقق ومابتتحققش زى ما يكون حد هو الى عايز كده كلنا عارفين طبعا الحد ده مين طبعا هو المولى عز وجل ولكن موضعنا مش موضوع دينى موضعنا موضوع فكرى محتاج انك تفكرمره تانيه فى الحياه وفى نفسك وفى كل شىء محتاج انك تعيد وزن الامور لو هى مش موزونه وتقيم المواضيع الحياتيه لو مش متقيمه وتدى للحياه قيمه واولويه وتحب نفسك بس مش لدرجه الغرور لدرجه حب الاخريين وتفكر فى كل شىء حوليك معرفش مقدرتك بس عارفه مقدرتى بس يا ترى انتا عارف قيمه نفسك ومقدره نفسك؟؟؟؟؟؟!!!!!!!